معلومه سريعة… من دكتور عمرو لطفى استاذ علاج الاورام جامعة عين شمس

اولا الملوثات الي بتكون علي الفواكه والخضروات حاجتين

اما ملوثات كيماويه زي بواقي المبيدات والاسمده والكيماويات

او ملوثات بيولوجيه من بكتيريا وطفيلات وفطريات

علشان تتجنب قدر الامكان الاضرار دي المفروض تعمل الاتي

اولا من مرحله اختيار الخضروات والفواكه

متختارش اي حاجه فيها خدش في قشرتهاالخارجيه لان ده معناه ان اي ملوث خلاص تغلغل فيها وصعب انه يروح

اختار اللي له قشره سليمه ملساء

ثانيا الخضروات اللي لها قشره سميكه نسبيا دي بيبقي عليها كميه اكبر من المبيدات فدي لازم تتغسل بفرشه ناشفه تتدعك كويس جدا علشان نتخلص من اثار المبيدات اللي عليها

نيجي للخضروات الورقيه ودي لازم تتغسل بميه جاريه مش تتنقع

ميه جاريه قويه وتتغسل ورقه ورقه يعني الملوخيه مثلا لو عايزه تضمنيها تغسليها ورقه ورقه هوا كده غير كده الطفيليات العالقه فيها مش حتروح

الخس مثلا يتقطع ورقه ورقه ويتغسل علي ميه جاريه قويه تيار يعني وبعدين يتنقع شويه ويتصفي ويتغسل تاني بنفس الطريقه

الميه الجاريه وبس

لو حتنفعيها يبقي في ميه وعليها صابون خفيف اوي وبعدين تصفيها وتغسليها تاني كويس اوي علشان تضيعي الصابون وممكن برضه الميه تبقي جاريه عليها وبتجدد علي طول في حوض والا حاجه

النقع لوحده مش كفايه لان البويضات بتبقي لازقه علي الورق فلو نقعتيها مش حتروح من عليه ولو راحت حتنزل علي الورقه الللي تحتها يبقي معملناش حاجه

وخلوا بالكم البويضات دي بتتحمل الحراره العاليه يعني مش الطبخ حياثر فيها

البرمنجنات بتضيع 70% من الفيتامينات اللي ف الخضار والفاكهه فطبعا خساره

لو جبتي خضار يستحسن تبرديه في الثلاجه لمده يوم قبل ما تستخدميه التبريد ده برضه بيساعد علي ان المبيدات والافات نسبتها تقل كتير قبل ما تغسليه جيدا زي ما قلت لك

لما تقطعي الخضار سيبيه شويه متقطع في الثلاجه لان مع تقطيعه بيطلع انزيمات منه تفسد عمل المواد الكيماويه وبرضه بتدمر اي طفيلات موجوده عليه

نقول كمان,, الغسيل بتيار ميه جاري وواحده واحده ورقه ورقه هوا افضل ضمان لتطهير الخضار والفواكه من اي خطر

ما نستسهلش ومنبقاش متسرعين ونغسل الخضار والفاكهه بذمه