بقلم .ايهاب عطاالله
نور طريقك بالامل
مسبشي يأسك يحبطك
متقولش ضعت أه العمل
واصل وكمل في سكتك
كل الي دلوقتي بيحبطوك
بكرا هيتمنوا يشفوك
انت فوق بس أنت فوُق
أسهل حل تكون جبان
تهرب وتعلن الأستسلام
متسبش حد يرجعك
لو كنت حاسس نفسك وحيد
والكل عنك بعيد
غمض عينيك شوية
وفكر في الي أنت حسه
هتلاقي حلمك وحلمي
هو الحلم نفسه
واجه الدنيا بجراءة
الدنيا مش عايزه براءة
الدنيا يا يبني عايزة الي إرادته حديد
يقع يقوم من جديد
ويكمل في طريقه تاني
ياما تعيش في مكانك
وساعتها تعيش وحداني
