معلومه سريعة… من دكتور عمرو لطفى استاذ علاج الاورام جامعة عين شمس
اهم خاصيه بتفرق بين الخليه السليمه والخليه السرطانيه الخليه السليمه لما تبوظ او تتغير علي طول جهاز المناعه بيشوقها ويروح يتعامل معاها وموتها حتي لو جوه مليون خليه اخري علشان ماتبقاش بدايه لتكون ورم
عارفين مرض الروماتويد ماهو الا تغير في الغضاريف الصغيره في المفاصل ,جهاز المناعه بيعتبر ان الغضاريف دي شئ غريب عن الجسم وبيهاجمها ويدمرها بكل شراسه
اي حاجه غريبه عن خليا الجسم بتبقي هدف محبب لجهازالمناعه
اكتشفنا ان جهاز المناعه لا يلاحظ الخلايا لسرطانيه مع انها غريبه جدا عن باقي خلايا الجسم
بيعدي عليها ويقولها سلاموا عليكم وخلاص
طب ليه
لقينا اسباب كتير اوي
اولا ان فيه زرايرمعينه علي خلايا الورم بيقابلها زراير زيها علي الخلايا المناعيه في وجود الاتنين دول لا الخليا المناعيه تقدر تشوف الورم او تقربله
والا خلايا الورم نقدر تكون ملحوظه ومحببه وهدف للخلايا المناعيه
مش كده وبس الزراير دي بتفرز بروتينات تمشي في الدم وتفرمل جهاز المناعه وتعوقه وتقلل كفائته كمان علشان حتي لو هاجم خلايا الورم يبقي سهل اوي التغلب علي الخلايا المهاجمه
ببساطه الورم بيحيط نفسه بغشاء وهمي زي طاقيه الاخفا كده يبقي غير مرئي للخلايا المناعيه
ده اساس اكتشافنا للعلاج المناعي اللي اصحاب الاكتشاف ده خدوا جايزه نوبل
اكتشفنا الزراير او المستقبلات دي اللى اسمها PDL1
وعملنا ادويه مضاده لها بتروح تبوظها وتبطل عملها وتخلي الورم بالنسبه للخلايا المناعيه زي فرخه محمره لواحد ميت من الجوع
بديهي ان الزراير او المستقبلات دي لازم تتقاس في عينه الورم وتتشاف نسبه وجودها لان ده بيعكس مدي كفاءه الدوا اللي حادهولها
كل ما النسبه تبقي عاليه ,,كل ما تاثير الدوا يبقي اكبر واقوي
في اكتشاف تاني قريبا في نفس الموضوع برضه عن علاقه جهاز المناعه بالورم وحيكون ثوره تانيه في علاج الاورام
