الاخبارطبيمقالات

معلومه سريعة… من دكتور عمرو لطفى استاذ علاج الاورام جامعة عين شمس

ازاي تحافظ علي جهاز المناعه عندك وتخليه يقوم بدوره بكفاءه

معلومه سريعة… من دكتور عمرو لطفى استاذ علاج الاورام جامعة عين شمس
ازاي تزود كفاءه جهاز المناعه

جهاز المناعه عضو مهم زي القلب والرئه والمخ والكبد

لازم تتعلم ازاي تزود كفائته وماتتعبوش

جهازالمناعه مسئول عن محاربه كل ماهو غريب بيهاجمك

بكتيريا فيرس طفيل وطبعا اي خلايا سرطانيه متحوره فيك

لو جهاز المناعه عندنا مش شغال كان كل الناس جالها سرطان بلا مبالغه

جهاز المناعه بيتكون من خلايا ليمفاويه متعدده واكتر من نوع كلها بتحارب كل ماهو دخيل علي الجسم

الخلايا دي بتتصنع اساسا في نخاع العظام وشويه في الغدد الليمفاويه بتتصنع ويعاد تدريبها وكمان في الطحال واحيانا في الكبد

الكيماوي لانه بيشتغل علي الخلايا اللي بتنقسم بسرعه فبيدمر جزء كبير من خلايا نخاع العظام اللي بتصنع مكونات جهاز المناعه

وعلشان كده فيه حقن معينه بتتاخد لتنشيط النخاعوتخليه يصنع خلايا بدل الللي راحت دي

تساعد جهاز المناعه ازاي

بانك تاكل كويس واكل صحي خضروات وفواكه طازجه بروتينات وكاربوهيدرات علشان تقدم الموادالخام والطاقه اللي النخاع يصنع بيها الخلايا الليمفويه

تبتعد عن العادات السيئه اللي بتلهي جهازالمناعه في حروب ممكن الاستغناء عنها

اهمها التدخين بانواعه

شرب الخمر

اكل الاكل اللي مليان مواد حافظه ودهون مهدرجه

ماهو جهاز المناعه مش حيحارب في مليون جبهه

وبعدين تعالج اي مرض مزمن عندك وتزبطه اذا كان ضغط او سكر او ارتفاع في دهون الدم لانهابدورها بتعمل متاعب والتهابات وعدوي متكرره تهلك جهازالمناعه

اخر حاجه واهم حاجه

حالتك النفسيه

كل ما تكون الحاله النفسيه منخفضه كل ما جهاز المناعه يقع ويبقي تعبان ومعرض لان اي حاجه تنتصر عليه

اغلب عيانين الاورام بيقولوا ان الورم جالهم بعد هزه نفسيه وزعل جامد

القلق والتوتروالخوف والترقب كل دول بيدمروا جهاز المناعه

روشته مجانيه

كل كويس خضروات وفواكه وبروتينات وكاربوهيدرات

عالج امراضك المزمنه

ابتعد عن الزعل والتوتر والخوف الغير مبرر

  • جهازك المناعي حيقوم بدوره ويحميك ويدافع عنك
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى