معلومه سريعة… من دكتور عمرو لطفى استاذ علاج الاورام جامعة عين شمس

معلومه سريعة… من دكتور عمرو لطفى استاذ علاج الاورام جامعه عين شمس                                                                                   العلاج الاشعاعي بالبروتون

ده نوع من العلاج الاشعاعي, الجهاز اللي بيولده بيكون كبير اوي وعايز تجهيزات خاصه ولازم يبقي له مبني لوحده مش مع باقي اجهزه الاشعه لانه بيحتاج طاقه كبيره

الجهاز موجود في اماكن قليله في العالم كله وفيه واحد ركب في مستشفي سرطان الاطفال وبصدد انه يبدا شغل

ايه البروتون ده

الاشعه العاديه اللي بنستعملها بتطلع الكترون او اشعات فوتونيه

من اول جهاز الكوبالت الللي بيطلع الاشعه شئ رباني كده لانه مصدر مشع

الي اجهزه المعجلات الخطيه اللي بتطلع اشعه بمختلف الطاقات بطريقه كهرو مغناطيسيه

الاشعاع تطوره انه ازاي اخليه ينشن علي الورم بس وابعده عن الخلايا السليمه

وفيه طرق كتيره لكده منها الشعاع ثلاثي الابعاد ومتعدد الشده والمتحرك مع حركه الورم بفعل التنفس والاشعاع بالجاما نايف او سكينه جاما والاشعاع المحوري

كلهم بيعتمدوا ازاي ادي الورم بكل اجزاؤه دون اصابه الخلايا لسليمه قدر الامكان

وطبعا كل ورم له طريقه الاشعاع المناسبه

انما كلهم في الاخر بيستخدموا الفوتونات الشعاعيه المؤينه دي الفرق بس في طريقه توصيلها

الا ان اكتشفنا البروتون الاشعاعي

وده من ضمن جروب كبير اسمه الاشعاع بالجزيئات الثقيله

ايه ال ييفرق بينه وبين الاشعاع العادي اللي بنستعمله

اول فرق انه فيه زي فرامل كده الاشعاع لما يدخل علي الورم ما بيعديش الورم يعني بيقف تماما علي عمق معين ومفيش اشعاع بعد هذا العمق

الفرق التاني انه عامل زي الصواريخ الموجهه يدخل الجسم متجه للورم واول ما يوصل للورم ااو العمق المعين ده ينفجر ويطلع كل طاقته في المكان المحدد له

زي قنابل الاعماق اللي بنطلقها علشان ندمر الغواصات بتترمي في الميه
ومتفرقعش الا لما توصل عمق محدد

عامل زي المدفعيه القيله

طب ده يفيد بايه

يفيد ان الاشعاع بيبقي تقريبا مالوش اي تاثير علي الجلد او اي انسجه بين الورم وسطح الجلد

بفيد ان كفائته وقدرته التدميريه اعلي كتير من الاشعاع العادي

بفيد بانه اكتر امانا علي الانسجه السليمه الي حوالين الورم وبالتالي اقدر ادي جرعه اكبر من الاشعاع

يفيد في ان بعض الاورام غير حساسه للاشعاع العادي ومنفيش غير الاشعاع البروتوني ده اللي يقدر ياثرفيها واغلبها اورام في الاطفال وبعض اورام المخ واللعمود الفقري والحبل الشوكي

بفيد انه بيقلل احتمالات التليف ما بعد الاشعه الي نسب قليله جدا

مشكلته زي ما قلت انه عايز مكان لوحده وان الجهاز غالي يعني تمنه يجيب 6 اجهزه معجل خطي عادي الموضوع اكيد بيدخل فيه العامل الاقتصادي

بس بالفعل فيه اورام مالهاش الا النوع ده من الاشعاع

تكلفته عاليه يعني مرتين قد الاشعاع العادي نظرا لتكاليف تشغيل الجهاز ونظام المعايره ونظام الفيزياء الاشعاعيه بتاعه عايز شغل يعني

طبعا عابز تدريب عليه علشان تحقق اكبر منفعه وفايده منه